کل سے اسمبلی اجلاس۔ وزیر اعلی نئے کھیل کے لئے تیار

حیدرآباد۔ 2۔جنوری (اعتماد نیوز)علیحدہ تلنگانہ پر وزیر اعلی این کرن کمار ریڈی کل سے اہم کردار ادا کرنے کے لئے تیار ہوچکے ہیں۔ چنانچہ کل سے اسمبلی اجلاس کے پیش نظر وزیر اعلی عین مقننہ کے امور کئ وزارت لیتے ہوئے اس عہدہ پر ریاستی وزیر شیلجا ناتھ کو سونپے جانے پر یہ واضح ہو رہا ہے کہ وزیر اعلی اب اجلاس میں متحدہ آندھرا پریدش کے لئے اہم قدم اٹھائینگے۔ بتایا جاتا ہے اگر تلنگانہ کے وزیر کے ہاتھوں میں مقننہ امور کی وزارت ہونے کی صورت میں آسسانی کے ساتھ اسمبلی میں تلنگانہ کے مرحلہ کو پار کیا جا سکتا ہے۔ لیکن وزیر اعلی اس عہدہ پر اب سیما آندھرا



کے وزیر کو فائز کرتے ہوئے اسمبلی میں تلنگانہ بل میں خامیوں اور غیر واضح ہونے کا بیان دیتے ہوئے اس بل پر متحدہ آندھرا پردیش کے لئے قراد داد پیش کر سکتے ہیں۔ جسکی وجہ سے اسمبلی کے مرحلہ میں رکاوٹ پیدا کرتے ہوئے متحدہ آندھرا پردیش کے لئے اہم رول ادا کرنے والے ہیں۔تاہم تلنگانہ سے تعلق رکھنے والے قائدین وزیر اعلی کے اس قدم کے سخت انداز میں جواب دینے کی کوشش کر رہے ہیں۔ چنانچہ کل تلنگانہ کے ارکان اسمبلی وزیر اعلی کے ہر قدم کا جواب جارحانہ انداز میں دے سکتے ہیں۔کیونکہ تلنگانہ کے کانگریس ارکان اسمبلی ومیر اعلی کی مخالفت میں ان دنوں صف اول میں شامل ہیں۔